ШҚУ-ДЫҢ ЖОҒАРЫ КОЛЛЕДЖІНДЕ «ТІЛМАР ТАЛАНТ» АТТЫ ЗИЯТКЕРЛІК САЙЫСЫ ӨТТІ

С. Аманжолов атындағы ШҚУ-дың Жоғары колледжінде «Тілдік пәндер» ПЦБ-ның қазақ тілі мен әдебиеті пәні оқытушысы Солтанбекова Ш.М.  «Тілмар талант» атты зияткерлік ойын сайысы өтті. Тәуелсіздікті айрандай ұйытып отырған, саяси тұрақтылықтың да негізгі кілті тілде жатыр. 5 қыркүйек — Қазақстан халқы тілдері күні мерекесіне орай өткен іс-шараға С.Аманжолов атындағы ШҚУ-дың Жоғары колледж оқытушылары, студенттер қатысты.

Мәртебелі тілді ұлықтаған шараның мақсаты — тәуелсіз елімізде өмір сүріп отырған ұлт өкілдері арасындағы достық пен бірлікті нығайту барысында мемлекеттік тілге құрмет сезімдерін қалыптастыра отырып, тілдер бірлігі мен ынтымақтастығын дамыту. Тіл – мерейлі мемлекетімізді мекен еткен сан алуан ұлт пен ұлыс өкілдерінің достығы, береке-бірлігінің және жасампаздығының айқын белгісі.

— Тіл туралы жазу, ол туралы айтудан қашпау да, жалықпау да керек. Себебі тіл бүкіл бір халықтың жүрегі. Осындай мәнді де мағыналы, тіл мәртебесін биіктететін іс- шаралардың арқасында болашақ ұрпақ салиқалы әрі саналы, білімді әрі ізденімпаз болады деген сенімдеміз, — дейді С.Аманжолов атындағы ШҚУ-дың Жоғары колледжі директор тәрбие ісі жөніндегі орынбасары Молдир Манкей .

Іс-шара барысында білім алушылар  ана тілімізге  қатысты өлең- жырларды нақышына келтіріп мәнерлеп оқып,  ойлы сөздерімен ортаға шығып, білім деңгейі бойынша тартысқа түсті. Іс-шара соныңда топтар арасындағы белсенді студенттер марапатталып,   оқытушы атынан әртүрлі көркем әдеби кітаптар сыйға тартылды.

Тіліміздің тұғыры биік, өрісі кең болсын!