АЛМА-МАТЕР ГЕТЕ ИНСТИТУТЫНЫҢ ГРАНТЫН ЖЕҢІП АЛДЫ

Алма-матер Гете Институтынан іс-шаралар өткізу үшін грант ұтып алды. Естеріңізге сала кетейік, 2024 жылы Қазақстандағы Гете Институтына 30 жыл толады. Серіктестер бұл атаулы күнді Қазақстанның, Қырғыстанның және Түрікменстанның әр түкпірінде атап өтеді. ШҚУ да осы шараға қатысады. Қыркүйек айының ортасынан бастап университетте неміс мәдениетін насихаттау бойынша іс-шаралар басталады. Студенттер мен оқытушылар заманауи өнермен, әдебиетпен, сондай-ақ неміс тілін жаңа технологиялар арқылы оқыту әдістемесімен танысатын болады. Мысалы, неміс тілі мұғалімдеріне арналған «Versteckte Grammatik» атты ғылыми практикалық-семинар,  «Wie kann man am besten Woerter behalten» атты воркшоп және «Kreativitaet schenkt dir die ganze Welt» атты бейнелеу өнері бойынша шеберлік сыныбы ұйымдастырылады.

ШҚУ ректоры Мұхтар Төлегеннің айтуынша, Гете Институтының 30 жылдығына арналған мәдени-білім беру шаралары көп жылдық серіктестік қатынастарды нығайтуға мүмкіндік береді.

Фото: https://www.instagram.com/goetheinstitut_kasachstan/