БОС ОРЫНДАР ЖӘРМЕҢКЕСІ:«ДІНТАНУ-ФИЛОСОФИЯ» БББ

С.Аманжолов атындағы Шығыс Қазақстан университетінде “Дінтану-Философия” білім беру бағдарламасының студенттері үшін бос жұмыс орындар жәрмеңкесі өтті.

Іс-шараға аталған бағдарлама түлектеріне қызығушылық танытқан бірқатар негізгі ұйымдар мен мекемелердің өкілдері қатысты. Атап айтқанда, ШҚО дін мәселелерін зерттеу орталығы, ШҚО білім басқармасы, қылмыстық-атқару жүйесінің мамандары мен теологтар қатысты.

Іс-шараның басты мақсаты – студенттерге әлеуетті жұмыс берушілермен тікелей байланыс орнату мүмкіндігін ұсыну және дінтану мен философия салаларындағы кәсіби мүмкіндіктермен таныстыру.

Жәрмеңке барысында қатысушылар жұмысқа орналасу мәселелерін, сондай-ақ кәсіби даму мен ғылыми-зерттеу қызметіндегі болашағы бар бағыттарды талқылады.

Студенттер тағылымдамалар, бос жұмыс орындары және кәсіби ортаға сәтті бейімделуге, таңдалған бағытта табысты мансап құруға көмектесетін бағдарламалар бойынша құнды ақпарат алды.