«СТУДЕНТТІК КӨКТЕМ – 2025» ФЕСТИВАЛІ БАСТАЛДЫ

Студент-жастардың шығармашылығын қолдауға бағытталған жыл сайынғы «Студенттік көктем – 2025» бағдарламасы басталды.

Amanzholov University студенттері дарынымен көпшілікті тәнті етіп, өз Жоғары мектептерін мақтанышпен таныстыруда.

Алғашқы болып ІТ және жаратылыстану ғылымдары Жоғары мектебі, Педагогика Жоғары мектебі және Гуманитарлық ғылымдар Жоғары мектебінің студенттері өнер көрсетті.

Әр қойылымда студенттер еңбек пен білімнің маңыздылығын көрсете білді:
— мағынаға толы көріністер;
— ұлы ойшылдардың дәйексөздері;
— жасанды интеллект көмегімен жасалған ерекше бейнероликтер.

Жастар өнер мен заманауи технологияның болашақ үшін бірігетінін көрсетті.