AMANZHOLOV UNIVERSITY МЕН РЕСЕЙ УНИВЕРСИТЕТІ ЫНТЫМАҚТАСТЫҚТЫ НЫҒАЙТУДА

С.Аманжолов атындағы Шығыс Қазақстан университетінің стратегиялық даму және халықаралық ынтымақтастық жөніндегі проректоры Ирина Ровнякова Новосібір мемлекеттік экономика және басқару университетінің өкілдерімен онлайн-кездесу өткізді.

Тараптар екіжақты ынтымақтастықтың негізгі бағыттарын талқылады. Атап айтқанда, бірлескен білім беру бағдарламаларын дамыту, «Экономика» бағдарламасы бойынша мамандар даярлау және ШҚУ мен НМЭБУ дипломдарын қатар алу мүмкіндігі, сондай-ақ академиялық ұтқырлық мәселелері.

Сондай-ақ, қатысушылар ғылыми‑зерттеу саласындағы серіктестікті кеңейту және тәжірибеге бағытталған бастамаларды дамыту перспективаларымен бөлісті.

Кездесу қорытындысы бойынша тәжірибе алмасуды күшейту және білім беру стандарттарын біріктірудің маңыздылығы атап өтілді.