АМАНЖОЛОВ УНИВЕРСИТЕТІ СТУДЕНТТЕРІ ШҚО ЭКОЛОГИЯ БӨЛІМІНІҢ МАМАНДАРЫМЕН КЕЗДЕСТІ

Сәрсен Аманжолов атындағы Шығыс Қазақстан университетінің экология және география кафедрасында студенттер мен ШҚО экология департаментінің мамандары арасында кездесу өтті.

Кездесу студенттік «Жасыл толқын» клубының экоактивистері Толқын Мавлютова мен Асель Муздапарованың ұйымдастыруымен, экология кафедрасының қауымдастырылған профессоры, PhD докторы Жазнаева Ж.К. жетекшілігінде өткізілді.

Кездесу барысында «Экология», «География» және «Тұрмыстық қауіпсіздік және қоршаған ортаны қорғау» білім беру бағдарламаларының студенттері қатысты. ШҚО экология департаментінің мемлекеттік экологиялық бақылау бөлімінің бас маманы Асель Казанова мен департаменттің баспасөз хатшысы Аружан Мусаханова сөз сөйледі. Спикерлер студенттерді департамент қызметінің негізгі бағыттарымен таныстырды, оның ішінде экологиялық реттеу, кәсіпорындарға мемлекеттік бақылау, зертханалық бөлімшелердің жұмысы және рұқсат етілмеген қоқыс алаңдарын анықтау жүйесі қамтылды. Арнайы назар аймақтың экологиялық қауіпсіздігін қамтамасыз ету механизмдеріне және қоршаған ортаның жағдайы туралы объективті мәліметтер алуға мүмкіндік беретін цифрлық мониторинг құралдарын енгізуге аударылды.

Кездесу барысында студенттер экологиялық сараптама, шығарындыларды мониторингтеу және Шығыс Қазақстанның экологиялық проблемаларын кешенді шешу жол картасын жүзеге асыруға қатысты сұрақтарын қоя алды. Департамент өкілдері жастардың экологиялық ағарту, ғылыми зерттеулер және қоғамдық бастамаларға қатысуының маңыздылығын атап өтті, болашақ мамандардың экологиялық мәдениетті қалыптастыру мен табиғатты қорғау саясатын дамытудағы рөлін ерекше көрсетті.

Кездесу студенттердің кәсіби көзқарасын кеңейтіп, университет пен мемлекеттік табиғатты қорғау құрылымдары арасындағы ынтымақтастықты нығайтуға ықпал етті.