«Беттік инженерия және трибология» ғылыми зерттеу орталығы

«Беттік инженерия және трибология» ҒЗО 2018 жылдың 2 сәуірінде Сәрсен Аманжолов атындағы ШҚУ ректоры, профессор М.Ә. Төлген бұйрығымен (02.04.2018 ж. №116-п) ҚР БҒМ Ғылым комитетінің «машина жасау бұйымдары үшін тозуға төзімді материалдарды алудың инновациялық технологияларын зерттеу және әзірлеу» (2018-2020 жж.) тақырыбындағы бағдарламалық-нысаналы қаржыландыру жобасын орындау аясында құрылды.

2018-2023 жылдар кезеңінде орталықта ҚР ҒжЖБМ гранттық қаржыландырудың қолдауымен 14 ғылыми жоба іске асырылуда, оның ішінде 9 ғылыми жоба сәтті аяқталды. «Беттік инженерия және трибология» ҒЗО базасында орындалатын жобаларды қаржыландырудың жалпы сомасы 925 856 800 теңгені құрайды, оның ішінде 250 млн.теңгеге университеттің материалдық-техникалық базасын жаңартуға жұмсалып заманауи жабдықтар сатылып алынды. БИжТ ҒЗО базасында 2019-2023 оқу жылдарында 27 дипломдық жұмыс, 15 магистрлік жұмыс және PhD дәрежесін алу үшін 10 диссертациялық жұмыстар дайындалды. Орталық қызметкерлері Scopus және Web of Science дерекқорларына кіретін жоғары рейтингті журналдарда белсенді жарияланады, 7 патент алынды, 5 монография жарық көрді.