СӘРСЕН АМАНЖОЛОВ АТЫНДАҒЫ ЖОҒАРЫ КОЛЛЕДЖ ӨКІЛДЕРІ «БАЛАЛАР АУЫЛЫНА» БАРДЫ

Сәрсен Аманжолов атындағы Жоғары колледж өкілдері «Балалар ауылы» балалар үйіне барып, тәрбиеленушілерді алдағы Наурыз мерекесімен құттықтады.

Сапар барысында балаларға арналған қызықты концерттік бағдарлама ұйымдастырылды. Әндер шырқалып, түрлі ойындар өткізілді. Әсіресе гитарамен жанды орындау балалардың ерекше ықыласын тудырып, олар әншілерге қосылып бірге ән айтты. Іс-шара өте жылы әрі достық атмосферада өтті.

Кездесу соңында колледж өкілдері Наурыз мерекесіне орай балаларға шағын сыйлықтар табыстап, тәрбиеленушілердің көңілін көтерді.

Бұл іс-шара колледж студенттері үшін балаларға қамқорлық пен көңіл бөлудің жарқын үлгісіне айналса, балалар үшін мерекелік көңіл-күй мен үлкендердің қолдауын сезінуге мүмкіндік берді.