ШҚУ ОҚЫТУШЫЛАРЫ ЕРЕКШЕ БІЛІМ БЕРУДІ ҚАЖЕТ ЕТЕТІН БАЛАЛАРМЕН ЖҰМЫС ІСТЕУДІҢ ЗАМАНАУИ ӘДІСТЕРІ БОЙЫНША ОҚУДАН ӨТТІ

Қазақстан Республикасы Оқу-ағарту министрлігі, Ыбырай Алтынсарин атындағы Ұлттық білім академиясы және ЮНИСЕФ бірлескен 2025–2026 жылдарға арналған жобасы аясында ерекше білім бағыттары бар (ЕББ) балалармен жұмыс жасайтын мамандардың біліктілігін арттыруға бағытталған тренингтер ұйымдастырылды.

Тренингке қатысушылар қатарында Сәрсен Аманжолов атындағы Шығыс Қазақстан университетінің психология және коррекциялық педагогика кафедрасының профессоры Светлана Стельмах пен кафедраның сениор-лекторы Рауан Байчинов бар, олар кәсіби біліктіліктерін сәтті арттырды.

Оқыту барысында оқытушылар балалардың қарым-қатынас дағдыларын дамытуға бағытталған педагогиканың тиімді бағыты — баламалы және қосымша коммуникация (БҚК) стратегиялары мен құралдарын меңгерді. Алынған білімдерді мамандар оқу процесіне және кафедраның ғылыми-әдістемелік жұмысына енгізуді бастап кетті.

Тренингтен кейін профессор Светлана Стельмах пен сениор-лектор Рауан Байчинов инклюзивті білім беру жағдайында жұмыс жасайтын педагогтар үшін семинарлар өткізді. Семинар барысында қатысушылар БҚК негізгі ұғымдарымен және әдістерімен танысып, қарым-қатынас қиындықтары бар балаларға тиімді қолдау көрсету тәсілдерін меңгеріп, заманауи тәсілдерді инклюзивті білім беру ортасында қолдану бойынша практикалық дағдылар алды.

Өткізілген іс-шаралардың арқасында педагогтар баламалы және қосымша коммуникация саласындағы білімдерін тереңдетті. Бұл білім оқу процесінің сапасын арттыруға және ерекше білім бағыттары бар балалар үшін ыңғайлы және қолайлы оқу жағдайларын құруға мүмкіндік береді.