AMANZHOLOV UNIVERSITY ӨКІЛДЕРІ «ҚАЙЫРЫМДЫЛЫҚ КҮНІНЕ» ОРАЙ «ҮМІТ» БАЛАЛАР ҮЙІНЕ БАРДЫ

«Қайырымдылық күніне» орай Сәрсен Аманжолов атындағы Шығыс Қазақстан университетінің ректоры Мұхтар Төлеген бастаған университет өкілдері «Үміт» балалар үйіне барды. Сапардың мақсаты – тәрбиеленушілерге көңіл бөліп, қамқорлық танытып, мерекелік көңіл-күй сыйлау болды.

Кездесу барысында қонақтар балалар үйінің тәрбиеленушілеріне сыйлықтар табыстады. Балалар қонақтарды қуанышпен қарсы алып, өз ризашылықтарын білдірді. Осындай кездесулер ерекше қамқорлық пен жылулықты қажет ететін жандарға қолдау көрсетудің маңыздылығын еске салады.

Іс-шара өте жылы әрі әсерлі атмосферада өтті. Университет өкілдері қайырымдылық бастамалары әлеуметтік жауапкершіліктің маңызды бөлігі екенін атап өтіп, мұндай игі істер өзара көмек, мейірімділік пен жанашырлық құндылықтарын нығайтуға бағытталғанын жеткізді.

Осындай игі бастамалар шынайы көңіл мен қолдаудың балаларға қуаныш пен үміт сыйлай алатынын тағы бір дәлелдейді.