Жас ғалымдар кеңесі

ЖАС ҒАЛЫМДАР КЕҢЕСІ AMANZHOLOV UNIVERSITY

Amanzholov University Жас ғалымдарды қолдау орталығы, ол жас ғалымдарға көмек беру және ғылымның әртүрлі салаларындағы олардың бастамаларын дамыту мақсатында құрылған. Біздің ең маңызды міндеттеріміздің бірі – қазіргі заманғы ғылымның өзекті мәселелерін шешуге бағытталған пәнаралық кешенді ғылыми зерттеулерді ұйымдастыру үшін, жас ғалымдар арасында байланыс орнату және оны дамыту.

ЖАС ҒАЛЫМДАР КЕҢЕСІ ҰСЫНАДЫ:

АҚПАРАТТЫҚ ҚОЛДАУ КӨРСЕТУ

БІЗ СІЗГЕ ІРГЕЛІ ЖӘНЕ ҚОЛДАНБАЛЫ ЗЕРТТЕУЛЕРДІ ТИІМДІРЕК ЖҮРГІЗУГЕ КӨМЕКТЕСЕТІН ӘДЕБИЕТТЕРДІ ТАҢДАП БЕРЕМІЗ, СОНДАЙ-АҚ СІЗГЕ СТАРТАП ҚҰРУҒА КӨМЕКТЕСЕТІН ЕҢ СОҢҒЫ ШЫҚҚАН ЖАРИЯЛАНЫМДАРҒА ҚОЛ ЖЕТКІЗУГЕ МҮМКІНДІК БЕРЕМІЗ.

ЖАҢА ИДЕЯЛАРДЫ ЖҮЗЕГЕ АСЫРУ

УНИВЕРСИТЕТІМІЗДІҢ ӨМІРІН ҚАЛАЙ ЖАҚСАРТУҒА БОЛАТЫНЫ НЕМЕСЕ НАҚТЫ ӨНДІРІСТЕГІ ҚЫЗЫҚТЫ МӘСЕЛЕНІ ҚАЛАЙ ШЕШУГЕ БОЛАТЫНЫ ЖӨНІНДЕ ИДЕЯҢЫЗ, ҰСЫНЫСЫҢЫЗ БАР МА? БАР БОЛСА, БІЗБЕН ХАБАРЛАСЫҢЫЗ, СІЗДІҢ ИДЕЯЛАРЫҢЫЗДЫ ЖҮЗЕГЕ АСЫРУДЫҢ ЖОЛЫН БІЗ БІРГЕ ТАУЫП АЛАМЫЗ.

МАҢЫЗДЫ МӘСЕЛЕЛЕРДІ ШЕШУ

ЖАС ҒАЛЫМДАР КЕҢЕСІ ЖАС ҒАЛЫМДАРДЫҢ КӘСІБИ ЖӘНЕ ӘЛЕУМЕТТІК-ТҰРМЫСТЫҚ САЛАДАҒЫ МҮДДЕЛЕРІН ДЕ ҚОРҒАЙДЫ. ҒЫЛЫМИ КЕҢЕСТІҢ, ҒЫЛЫМИ-ТЕХНИКАЛЫҚ КЕҢЕСТІҢ ЖҰМЫСЫНА ҚАТЫСУ БӘРІМІЗДІ ТОЛҒАНДЫРАТЫН МӘСЕЛЕЛЕРДІ ШЕШУГЕ КӨМЕКТЕСЕДІ. БІЗ БІРІГЕ ОТЫРЫП, КӨП НӘРСЕНІ ТЫНДЫРА АЛАМЫЗ.

Кеңестің негізгі міндеттері:
Кеңес мынадай функцияларды жүзеге асырады:

ғылыми жастардың кәсіби өсуіне, олардың іргелі және қолданбалы зерттеулерге белсенді қатысуына жәрдемдесу;
ұйымның Ғылыми кеңесі мен басшылығында, сондай-ақ мемлекеттік органдар мен қоғамдық ұйымдарда өкілді органның рөлін орындау және ғылыми жастардың құқықтарын қорғау, ғылыми жастардың кәсіптік қызметінің әртүрлі аспектілері мен әлеуметтік-тұрмыстық тұрмыс жағдайлары бойынша пікірін білдіру;
ақылы негізде жастардың ғылыми-инновациялық орталықтарын, сондай-ақ ғылыми-зерттеу қызметін ұйымдастырудың басқа да нысандарын құруға бастамашылық жасау;
өзекті ғылыми проблемалар мен басым ғылыми міндеттерді шешу үшін жас ғалымдардың күш-жігерін біріктіру;
арнайы әзірленген іс-шаралар жүйесі арқылы жас ғалымдардың ғылыми-зерттеу жұмыстарын жандандыру;
жас ғалымдардың зерттеу жобаларына, ғылыми гранттарға, конкурстарға, бағдарламаларға, тағылымдамаларға қатысу нысандарын жетілдіру;
басқа ғылыми ұйымдардың, жоғары оқу орындарының кеңестерімен байланыстар желісін қалыптастыру және кеңейту.

жас ғалымдардың конференцияларын, семинарларын және кездесулерін, жетекші ғалымдардың лекциялар циклдерін өткізуді ұйымдастыру, жас ғалымдардың республикалық және халықаралық конференциялар мен семинарларға, симпозиумдарға, тағылымдамаларға қатысуына жәрдемдесу және қолдау көрсету;
жас ғалымдарды Қазақстан Республикасы, жақын және алыс шетел бойынша қорлар, гранттар, конференциялар, конкурстар мен өзге де іс-шаралар туралы, Қазақстан Республикасындағы жас ғылыми кадрларды мемлекеттік қолдау шаралары туралы ақпараттық қамтамасыз етуді ұйымдастыру;
жас ғалымдарға гранттық қолдау көрсететін отандық және шетелдік қорлар мен бағдарламалар туралы ақпаратты жинау және жүйелеу;
Әдістемелік, ұйымдастырушылық қолдау көрсете отырып, жас ғалымдардың жарияланымдарына жәрдемдесу;
Қазақстанның жас ғалымдарының, шетелдік жоғары оқу орындары мен ғылыми орталықтардың бірлескен ғылыми-зерттеу жобаларын ұйымдастыру;
жастар ұжымдарына қымбат тұратын жабдықты пайдалануға қол жеткізуге жәрдемдесу, жаңа жабдықта жұмыстың қазіргі заманғы әдістеріне оқытуды ұйымдастыру;
шетелге шыққан жас ғалымдардың деректер банкін құру. Қазақстанда жұмыс істеуге тарту мақсатында бірлескен жұмыстар жүргізу, сондай-ақ олармен байланыс орнату;
спорттық және мәдени іс-шараларды дайындау және өткізу.

ЖИІ ҚОЙЫЛАТЫН СҰРАҚТАР:

«Жас ғалымдар» дегеніміз кімдер? Біздің бағдарламаларға кімдер қатыса алады?

Жас ғалымдар дегеніміз – магистранттар, докторанттар, ғылыми атақ алуға үміткерлер, оқытушылар және жоғары оқу орнының ғылыми қызметпен айналысатын, жасы 35-ке толмаған жас қызметкерлері. Егер де сіз ғылыми жобамен айналысып жүрсеңіз және жасыңыз 35-ке толмаған болса, онда біздің бағдарламаға қатыса аласыз.

Жас ғалымдар кеңесінің көмегіне қай кезде жүгінуге болады?

Жас ғалымдар кеңесі өз отырыстарын күнделікті өткізіп, кеңес береді. Сіз бізге кез келген уақытта хабарласа аласыз, сізбен кездесіп, барлық сұрақтарыңызға жауап беруге қуаныштымыз.

Жас ғалымдар кеңесі