С. АМАНЖОЛОВ АТЫНДАҒЫ ШҚУ-ДАҒЫ ОНЛАЙН КУРСТАР

ХХІ ғасыр өмірдің әртүрлі салаларына, соның ішінде білімге қатты әсер еткен инновациялар мен заманауи технологиялардың қарқынды дамуымен ерекше. Университеттер мен басқа да білім беру мекемелері студенттердің қазіргі қажеттіліктерін ескере отырып, білім сапасын жақсартуға тырысып, осы мақсатта заманауи білім беру технологияларын белсенді түрде енгізуде.

Осындай жаңалықтардың бірі – жаппай ашық онлайн курстар (ЖАОК).
ЖАОК – бұл білім беру платформалары арқылы қолжетімді онлайн курстар, олар көптеген студенттердің ыңғайлы уақытта және кез келген жерде кедергісіз оқуына мүмкіндік береді. Бұл курстар бейне дәрістерді, мәтіндік материалдарды, қосымша ресурстарды және өзін-өзі тексеру сынақтарын қамтитын құрылымдық және сапалы оқу материалын ұсынады. Студенттер емтихан тапсырып, сертификат ала алады. Содан кейін оларды жұмыс берушілерге жаңа дағдылардың дәлелі ретінде ұсынады.

Айта кету керек, Сәрсен Аманжолов атындағы Шығыс Қазақстан университетінің ашық платформасы бар. Оnline.vku.edu.kz деп аталатын платформада әртүрлі бағыттағы жаппай ашық онлайн курстар орналастырылған. Платформа қосымша дағдыларды үйренгісі келетіндердің барлығына қолжетімді.