ШҚУ-ДА БЕЙРЕСМИ БІЛІМ ҚАЛАЙ ДАМУДА?

«Өмір бойы оқыту тұжырымдамалары» аясында С. Аманжолов атындағы ШҚУ-да бейресми білім беру белсенді дамуда. Оған біліктілікті арттыру, кәсіптік қайта даярлау бағдарламалары, курстар, тренингтер, практикалық семинарлар мен шеберлік сыныптары кіреді.

Білімнің жаңа тұжырымдамасының мақсаты — білім беру қызметтерін және адамның біліктілігін арттыру мен жаңа білімді игерудегі әр түрлі қажеттіліктерін іске асыру үшін жағдай жасау.

Бейресми оқыту құзыреттеріне үздіксіз оқыту, инновациялық технологиялар, өзін-өзі бақылау, практикалық қолдану, кең қамту, динамизм, бірігіп қолдану, өнімділік критерийі және деректерге негізделген шешім қабылдау кіруі мүмкін.

Университетте бейресми оқыту бойынша 21 білім беру бағдарламасы бар.
Жаңашылдықтар тізімінде: «Білім алушылардың жобалық қызметіндегі ақпараттық-коммуникациялық технологиялар»; «Сыбайлас жемқорлыққа қарсы іс-қимылдың өзекті мәселелері»; «Виктимология» ; «Аударма теориясы мен практикасы»; «Маркетингті басқару»; «Жұмысқа орналасу және мансаптық өсу үшін кәсіби дағдыларды дамыту»; «ChartGPT қолдану бойынша мұғалімдерге арналған семинар»; «Дипломдық және магистрлік психологиялық-педагогикалық зерттеулерде математикалық статистика әдістерін қолдану»; «Шешендік өнер»; «Өңірлік әдебиет әлеуметтік құндылықтарды таратушы ретінде»; «Сандық сауаттылық»; «Бағдарламалау . IT. Әзірлеу және дамыту»; «Педагогикалық риторика»; «Қолданбалы қолөнер шығармашылығы»; «Тұтынушылар құқығын қорғау»; «Ғылыми жобалар курстары»; «Жобаны қалай жобалауға және сәтті қорғауға болады»; «Білім беру саласындағы психологиялық технологиялар»; «Конфликтология. Психология»; «Педагогика. Педагогикалық риторика», сонымен қатар «Нейрондық желілер. Жасанды интеллект».

ЖОО мамандарының айтуынша, басты артықшылық – мұндағы білімнің қолжетімділігі. Әр адамның жаңа білімді, мамандықты игеруге немесе біліктілігін арттыруға мүмкіндігі зор. Оқыту ыңғайлы уақытта офлайн және онлайн форматтарда өтеді.

Айта кетейік, Алтай мемлекеттік университетінің платформасында «Білім алушылардың жобалық қызметіндегі ақпараттық-коммуникациялық технологиялар» қосымша кәсіби бағдарламасы бойынша ШҚУ-дың 115 студенті мен магистранты білім алуда.