ЖЫЛ ҚОРЫТЫНДЫСЫ: БИОЛОГИЯ КАФЕДРАСЫ

1.Стартап жобалар байқауының жеңімпаздары
«Дронды дернәсіл гомогенатын қолдана отырып, экологиялық таза адсорбцияланған ара өнімі технологиясын жасау» тақырыбында қауымдастырылған профессор Светлана Федоровна Колосованың жетекшілігімен биология кафедрасының студенттері стартап жобалар байқауында ғылыми жоба қорғады. Байқауда «Орман ресурстары, аңшылық және ара шаруашылығы» ББ 3-курс студенттері Алексей Гладышев және Дарья Сабитова бірінші орынды иеленіп, 100 000 теңге сертификатпен марапатталды.

2.«Жылдың Үздік Студент Көшбасшысы»
-«Биология-жаратылыстану» ББ 3 курс студенті Әділет Кәрібай «Әділетті Қазақстан – Адал азамат» облыстық жастар форумы аясында Шығыс Қазақстан облысының әкімі атынан ШҚО Жастар саясатын іске асырғаны үшін «ЖЫЛДЫҢ ҮЗДІК СТУДЕНТ КӨШБАСШЫСЫ» номинациясы бойынша марапатқа ие болды.
Сондай-ақ ол студенттер арасында өткен халықаралық «2023 жыл ҮЗДІК СТУДЕНТІ» сайысында да жеңімпаз атанып, «Тәуелсіз мемлекеттер достастығы арасындағы жастар саясатының дамуына қосқан үлесі үшін «ТМД-ның ҮЗДІК СТУДЕНТІ» төсбелгісімен марапатталып, куәлік алды.

3.Жас шешендер конкурсы жеңімпазы
“Менім сыбайлас жемқорлыққа қарсы сөзім” атты жас шешендер байқауында биология кафедрасының студенті Марина Мукамет 2-орын иеленді. Өзі шығарған өлеңін оқып, жемқорлыққа қарсы әлем жайындағы сөзін жеткізіп, көпшілікке ерекше әсер қалдырды.