AMANZHOLOV UNIVERSITY ЖОҒАРЫ КОЛЛЕДЖІНІҢ КОМАНДАСЫ ТОҒЫЗҚҰМАЛАҚТАН ЖҮЛДЕГЕРЛЕР ҚАТАРЫНДА

С.Аманжолов атындағы ШҚУ-дың Жоғары колледж оқытушылары ШҚО Техникалық және кәсіптік, орта білімнен кейінгі білім беру ұйымдарының педагогтері арасындағы спартакиадаға қатысты.

Өткен спартакиада мақсаты — техникалық және кәсіптік, орта білімнен кейінгі білім беру ұйымдарының педагогтері арасында бұқаралық спорт түрлерін дамыту және танымал ету.  Ал, алға қойған спартакиаданың міндеттері аталған ұйымдарда жұмыс жасайтын  педагогтері мен қызметкерлерінің денсаулығын  және психологиялық жай-күйін нығайту, үздік командаларды және спорттағы дарынды педагогтарды, қызметкерлер мен жаттықтырушыларды анықтау. Жоғары колледж атынан дене шынықтыру және спорт пәндік-циклдік бірлестігінің оқытушылары Жақаев Қонысбек және Бақытханова Ақерке қатысты.

—Тоғызқұмалақ – қазақтың ұлттық дәстүрлі ойындарының бірі, ақыл-ой ойыны. Ойын танымдық, эстетикалық, спорттық, тіпті ғылыми аспектілерге ие. Қазақтың белгілі ағартушылары А.Құнанбаев, Ш.Уәлиханов, Ы.Алтынсарин халық ойындарының жас ұрпаққа білім берудегі тәрбиелік мәнін жоғары бағалап кеткенін білеміз, — дейді дене тәрбиесі пәнінің оқытушысы Жақаев Қонысбек.

ШҚО Техникалық және кәсіптік, орта білімнен кейінгі білім беру ұйымдарының педагогтері арасындағы 14 команда қатысқан, ойын өте тартысты болды. Жоғары колледж командасы 3 орынды қанжығаларына байлады.

Айта кету керек, педагогтар  арасында дәстүрлі спартакиада ойындары жыл сайын өткізіліп келеді. Бұқаралық спортты дамытуда дәл осындай сайыстардың маңызы зор.