ШҚУ ОҚЫТУШЫСЫ «ҚАЗАҚСТАН РЕСПУБЛИКАСЫНЫҢ АЛТЫН ЖҰЛДЫЗЫ» БАЙҚАУЫНЫҢ ЖЕҢІМПАЗЫ АТАНДЫ

Қасым-Жомарт Тоқаевтың Жолдауында айтылған тәуелсіздік идеяларын қолдау мақсатында «Білім Өркениеті» Ұлттық инновациялық ғылыми-зерттеу орталығы «Қазақстан Республикасының Алтын Жұлдызы» патриоттық байқауын өткізді. Бұл байқау ерекше кәсіби қасиеттерімен ерекшеленетін азаматтарды қолдауды және ынталандыруды мақсат еткен.

Шара аясында Мәдениет, спорт және АӘД кафедрасының концертмейстері, ҚР Білім беру саласындағы құрметті қызметкері, музыка және өнер қайраткері Уатқан Жүнісов «Қазақстан Республикасының Алтын жұлдызы» номинациясы бойынша жеңімпаз атанды.

— Мен осындай үлкен байқауда университетімнің атын шығарғаныма қуаныштымын және мақтан етемін. Менің жеңісім ортақ. Қолдау мен құттықтаулар үшін ұжымға алғыс айтамын, — дейді ШҚУ оқытушысы.

Айта кетейік, Уатқан Жүнісов – халық әртісі Бақыт Қарабалинаның шәкірті, Өскемен қаласының музыкалық училищесінде қазақ халық аспаптары бөлімінің негізін қалаушы.