ШҚУ-ДА СТУДЕНТТІК ҮЙЛЕРГЕ ҚАТЫСТЫ МӘСЕЛЕЛЕР ТАЛҚЫЛАНДЫ

Сәрсен Аманжолов атындағы Шығыс Қазақстан университетінде студенттік үйлерді жаңа оқу жылына дайындау бойынша жиналыс өтті. Жиналысты тәрбие және әлеуметтік жұмыс жөніндегі проректор Жаннета Калимолдина жоғары мектеп декандары, коменданттар және басқа да жауапты тұлғалардың қатысуымен өткізді. Кеңеске қатысушылар студенттік үйлердің дайындығын, студенттерді орналастыру тәртібі мен алгоритмін талқылады.

-2024-2025 оқу жылына университеттің студенттік үйлері 100% дайын. Студенттерді жайлы бөлмелер, жаңа төсек-орындар, жаңартылған жиһаз және жылыту жабдықтары күтуде. Әр бөлмеде жоғары жылдамдықты Wi-Fi орнатылған, – деді проректор.

Айта кету керек, бірінші курс студенттерін орналастыру 2024 жылдың 20 тамызынан 01 қыркүйекке дейін online- офлайн форматта Университеттің ресми сайтында https://vku.edu.kz/ жүргізіледі. 2-4 курс студенттері 29 тамыздан 01 қыркүйекке дейін https://vku.edu.kz/ порталында өтінімдер қалдыра алады. Ол үшін университеттің сайтына тіркелу қажет.