12 августа 2024

АКАДЕМИЯЛЫҚ ҰТҚЫРЛЫҚ БАҒДАРЛАМАСЫ ТУРАЛЫ НЕ БІЛУІҢІЗ КЕРЕК?

ШҚУ әлемнің 30-дан астам еліндегі оқу орындарымен және ұйымдарымен ынтымақтастық туралы 100-ден астам келісімшартқа ие. Басымдықтардың бірі академиялық ұтқырлық бағдарламасын дамыту. Оның шеңберінде студенттер семестр немесе оқу жылы кезеңінде Еуропа, Оңтүстік-Шығыс Азия, Орталық Азия, Ресей, Қытай, АҚШ, Түркия университеттерінде тәжірибе ала алады.

— Қатысушыларға қойылатын жалпы талаптар бар. Ағылшын тілін білу деңгейі B2-ден төмен емес (IELTS 6.0, TOEFL 60) болу керек. IELTS немесе TOEFL сертификаты бар студенттер байқаудың тілдік кезеңін өтпейді. Сертификаты жоқ студенттер университетте тілдік емтихан тапсыруы керек. Оқу үлгерімінің орташа балы 3.5-тен төмен болмауы тиіс, — деп түсіндірді Стратегия, халықаралық ынтымақтастық және аккредиттеу бөлімінің басшысы Дана Ниғманова.

Қаржыландырудың үш жолы барын айта кетейік, олар: республикалық бюджет қаражаты есебінен, университет қаражаты есебінен және студент есебінен.
Мемлекеттен Грант байқаудың барлық кезеңдерінен сәтті өткен бакалавриат білім алушыларына беріледі. Қаржыландыру әуе билетін, тұруды, визаны және сақтандыруды қамтиды.