ҮЗДІК ТҮЛЕК. КАРИМА ИБРАГИМ

Заманауи университеттің бәсекеге қабілеттілігі мен беделі оның түлектерінің кәсіби мобильділігі мен мансаптық жетістіктерімен анықталады.

2023 жылы «Химиялық криминалистикалық сараптама» білім беру бағдарламасы бойынша ШҚУ түлегі Карима Ибрагим «Alex Lab ЖШС» зертханасында жұмыс істеді. Кейін «Құқықтану» мамандығы бойынша магистратураны аяқтады.

Қазіргі уақытта Карима құқық қорғау органдарына жұмысқа орналасу  мақсатында Қазақстан Республикасының Бас прокуратурасының жанындағы Құқық қорғау органдары академиясында бастапқы даярлықтан өтуде. Оқу мерзімі алты айды құрайды. Оқу аяқталғаннан кейін ол елдің қорғанысын қамтамасыз ететін қызметкерлер қатарын толықтыруды жоспарлап отыр.

–Мен Сәрсен Аманжолов атындағы Шығыс Қазақстан университетінде оқығаныма мақтанамын. Бұл университет менің алдымда көптеген мүмкіндіктер ашып, білім берді. Менің сүйікті университетіме көп рахмет, – деді ол.

Айта кету керек, университет түлектерінің жұмысқа орналасу көрсеткіші 98%-ды құрайды.