БІРІНШІ КУРС СТУДЕНТТЕРІНЕ АРНАЛҒАН «ҚОШ КЕЛДІҢ, СТУДЕНТ!» КЕШІ

С.Аманжолов атындағы Шығыс Қазақстан университетінде «Қош келдің, студент!» атты  бірінші курс студенттеріне арналған кеш өтті. Бұл шараға 600-ден астам студент қатысты.

Іс-шара барысында университеттің белсенділері көрермендерді би және вокалдық қойылымдарымен қуантты. Динамикалық билер, жарқын костюмдер мен әуезді әндер жаңа білім алушыларға ерекше әсер қалдырды.

Сонымен қатар, бірінші курс студенттері университеттегі өзін-өзі басқаруға ықпал ететін әртүрлі студенттік ұйымдармен танысты.

Айта кетейік, университетте 16 түрлі ұйым жұмыс істейді. Олардың арасында Жастар ісі жөніндегі комитет, IT және жаратылыстану ғылымдары Жоғары мектебі, гуманитарлық ғылымдар Жоғары мектебі, педагогика жоғары мектебі, бизнес және құқық Жоғары мектебі  және Жоғары колледждің белсенділері бар.

Сондай-ақ, «Шабыт» студенттер театры, «Авангард» театр клубы, «Ділмар» дебат клубы, «Мейірім» волонтерлік ұйымы, «Көркем» қыздар клубы, «Жастар рухы» және «Парасат» клубтары белсенді қызмет етеді. «Жастар рухы» клубы жастарының шешімімен ұйым атауы «Парасатты жастар» ұйымына өзгертілді. «Геродот» және «Алаш» клубтары жұмыс жүргізу, бағыттары бір болғандықтан, ұйымдар бірігіп,  үлкен мақсаттарға қол жеткізіп, дүниежүзі тарихы, сонымен қоса еліміздің тарихы және өлке тарихын зерттеуге барлық күш жігерін жұмсамақ. Сонымен қоса университетімізде «Алтын белгі» иегерлерінің қауымдастығы ашылды.

ШҚУ-дың қоғамдық өміріне бірінші курс студенттерін таныстыру мақсатында өткен кеш естелік фотосессиямен және жаңа таныстықтармен аяқталды.