ШҚУ СТУДЕНТТЕРІ «WORLD CLEANUP DAY» НАУҚАНЫНА ҮЛЕС ҚОСТЫ

Бұл ауқымды шара әлемнің 150-ден астам елінде 380 миллион адамның қатысуымен өтеді. Науқанның «Жаһандық ойлар, жергілікті әрекет етіңіз» ұраны әлемдік мәселелерді шешу жергілікті өңірімізден басталатынынан хабар береді. Шара мақсаты – тұрғындарды аумақты қоқыстан тазалау кешенді шарасына үлес қосуға шақыру.

Науқанның Өскемен қаласы Үлбі өзенінің жағалауында өтуі халықты қоршаған ортаның, әсіресе  су объекті маңайларының ластану мәселесіне көңіл аудартуға ықпал етті.

— Осындай ауқымды шараны ұйымдастырғаны үшін Экология және табиғи ресурстар министрлігіне алғыс айтамын. Бүгінгі науқан арқылы біз табиғатты қоқыстан тазаралау ғана емес экологияны қорғау да біздің ортақ міндетіміз екенін көрсетеміз. Тобымыздағы студенттер жиналып, өз үлсемізді қостық. ЖОО басшылығына ауқымды да өзекті науқанға қатысуға мүмкіндік бергеніне алғыс білдіремін, — деді «Экология» білім беру бағдарламасының 3 курс студенті Диана Хамадиева.

Жыл сайынғы «World Cleanup Day» шарасы студенттер арасында экологиялық мәдениетті қалыптастыруды, өңіріміздің табиғатын сақтауды және қоршаған ортаны қорғау қажеттілігін кеңінен насихаттап келеді.