24 сентября 2024

WORKSHOP: НЕМІС ТІЛІН ОҚЫТУ ӘДІСТЕМЕСІ

С. Аманжолов атындағы ШҚУ-да іс-шараларды өткізуге Гёте институтынан алынған грант аясында «Versteckte Grammatik» атты воркшоп өтті. Семинарға шетел тілдері және аударма ісі кафедрасының оқытушылары мен студенттері, ШҚУ-дың сапаны қамтамасыз ету және халықаралық ынтымақтастық департаментінің өкілдері, сондай-ақ қала мектептері мен жоғары оқу орындарының неміс тілі мұғалімдері қатысты.

Іс-шараның басты мақсаты – неміс тілін оқыту әдістемесін зерттеу, неміс тілін насихаттау, сонымен қатар Еуропаның ең танымал әрі экономикалық жағынан дамыған елдерінің бірі Германияның тарихы мен мәдениетін таныстыру.
— Бүгін қаламыздағы неміс тілі мұғалімдері үшін ерекше маңызды оқиға болды. Біз ШҚУ базасында неміс тілін оқытудың заманауи әдістерімен танысу мүмкіндігіне ие болдық. Менің ойымша, бұл іс-шара шынымен де маңызды, себебі неміс тілі мұғалімдері қалада қалып, өз біліктіліктерін арттыруға сирек мүмкіндік алады. Біз одан әрі даму үшін келесі семинарларды асыға күтеміз, — деп атап өтті семинар қатысушылардың бірі.

Қатысушылар неміс тілін оқытудың заманауи әдістерімен танысып, лексиканы есте сақтаудың тиімді тәсілдерін меңгеруге мүмкіндік алды. Форматтың интерактивті болуы арқасында барлық қатысушылар талқылаулар мен практикалық тапсырмаларға белсенді түрде қатысты.

https://www.goethe.de/ins/kz/ru/index.html

https://www.instagram.com/goetheinstitut_kasachstan/?igsh=bXkxeW12cmRxNGpy