АЛТЫН АРМАН: АҚМАРАЛ НАУАТБЕКТІҢ ОЛИМПИАДАДАҒЫ ЖЕҢІСІ ЖАЙЛЫ

С. Аманжолов атындағы Шығыс Қазақстан университетінде нағыз спорт жұлдызы — Ақмарал Науатбекпен кездесу өтті. Талантты спортшы және С.Аманжолов атындағы ШҚУ-дың  «Дене шынықтыру және спорт» мамандығының магистранты 2024 жылғы Париж Олимпиадасында алтын медаль жеңіп алып, өзінің спорт түрінде үздік екенін дәлелдеді.

Ақмаралдың спорттық маңсабы шығыс жекпе-жектерінен басталды, сонымен қатар ол бала кезінен үлкен жарыстарға қатысуды армандаған. Оқу мен спортты қатар алып жүру қиындықтарына қарамастан, ол мақсатынан таймай, жаттықтырушылары мен психологтардың қолдауына сүйене отырып, табанды еңбек етті. Олимпиададағы жеңісі Қазақстан үшін мақтанышқа айналды.

Кездесу барысында спортшы жеңістен кейінгі әсерімен, дайындық кезеңіндегі қиындықтары мен алдағы жоспарларымен бөлісті. Ол алтын жүлдеге жету жолында басынан өткерген сезімдерімен молынан бөлісті.

-Мен осы жарысқа жылдар бойы дайындалдым. 14 жасымнан бастап алтын медаль туралы  армандадым. Енді бұл мен үшін арманымның орындалуының символы. Армандарыңыз орындалатынына сеніңіз. Егер оған сеніп, күш салсаңыз, міндетті түрде орындалады, — деді Ақмарал.

Ақмарал Науатбек- бұл спортшы ғана емес, рухтың, табаңдылықтың және өз арманына адалдықтың символы. Оның көздерінде үміттің нұры мен жаңа шыңдарға ұмтылу көрініс табады. Ол Қазақстанды халықаралық аренада таныстырып қана қоймай, жастарға шабыт беріп, өзіне сеніп, табанды еңбек ету арқылы кез келген шыңға жетуге болатынын көрсетеді.