ШҚУ СТУДЕНТІ ШОРТ-ТРЕКТЕН ҚР ЧЕМПИОНАТЫНДА КҮМІС ЖЕҢІП АЛДЫ

Amanzhokov University студенттері ұлттық және халықаралық аренада жоғары нәтижелерге қол жеткізетінін тағы бір мәрте дәлелдеді. Олардың қатарында екінші курс «Дене шынықтыру және спорт» мамандығының студенті Құмарқан Зейнеп 2023 жылдың 1-5 қазан аралығында Астанада өткен Қазақстан Республикасы чемпионатында 500 метр қашықтықта күміс медаль иегері атанды.

Әйелдер арасындағы қорытынды рейтингте Құмарқан Зейнеп төртінші орынға ие болды, бұл оған Қазақстан ұлттық құрамасының құрамына кіруге мүмкіндік берді. Енді спортшы келесі ірі жарыстарда ел атынан қатысады. Атап айтқанда, әлем кубогы, Дүниежүзілік Универсиада, Азия ойындары және жасөспірімдер арасындағы әлем чемпионатында ел намысын қорғайтын болады.

-Жарысқа дайындық жоғары деңгейде болды. Менің мақсатым-үздік бестікке кіру және Азия ойындары мен жасөспірімдер арасынлдағы әлем чемпионатына іріктеуден өту болды. Өзімнің көрсеткіштеріме және қойылған міндеттерді орындағаныма қуаныштымын. Тәжірибе жақсы да, қызықты да болды, әсіресе соңғы жарыс кезінде, — деп өз әсерлерімен бөлісті спортшы.

Бұл жарыс 2024-2025 жылдардағы қысқы спорт маусымында халықаралық турнирлерде ел атынан қатысатын шорт-тректен Қазақстанның Ұлттық командасын қалыптастыру үшін маңызды іріктеу кезеңі болды.

Айта кетейік, Зейнеп бұл спортпен тоғыз жасынан бастап айналысады және Нидерландының Леуварден қаласында өткен жасөспірімдер арасындағы Әлем кубогының екінші кезеңінде қола медаль жеңіп алып, Херенвенде өткен үшінші кезеңінде күміс жүлдені иеленген.