ҚРХУ СТУДЕНТТЕРІНЕ АРНАЛҒАН ТРЕНИНГ: «ҚАЛАЙ САПАЛЫ БИЗНЕС АШУҒА БОЛАДЫ?»

С.Аманжолов атындағы ШҚУ-дың Бизнес және құқық жоғары мектебі оқытушылары Альмира  Сақтаева, Ләйлә Ахметова, Алма Байғужинова Қырғыз Республикасының Халықаралық университетінің (Бішкек.қ, Қырғызстан) экономика және басқару кафедрасының түлектеріне «Қалай сапалы бизнес ашуға болады?» атты бизнес-тренинг өткізді.

Тренингтің мақсаты — студенттердің кәсіпкерлікке деген шығармашылық көзқарасын дамытып, алған теориялық білімдерін тәжірибе түрінде қолдануға мүмкіндік беру.

— Кәсіпкерлік дағдыларды қалыптастыру қазіргі уақытта өзекті. Бұл тренинг түлектердің кәсіпкерлік қабілеттерін дамытуға, сондай-ақ оларды стартап жобаларын іске асыруға ынталандыруға бағытталған, — деп атап өтті Алма Байғужинова.

Қатысушылардың пікірінше, тренинг болашақ кәсіпкерлерді дайындауда маңызды қадам болды. Олар кәсіби дағдыларын жетілдіріп, бизнес-жоспар құруды үйреніп, жаңа идеяларды жүзеге асыруға ынталанды, бұл оларды нақты бизнесте бірден қолдануға мүмкіндік береді.