ШҚУ ЗИЯТКЕРІ — AQYL BATTLE ҮЗДІГІ

Астана қаласында өткен жастарға арналған республикалық Aqyl battle интеллектуалдық ойынының гранд финалында Amanzholov University-дің Қазақ тілі мен әдебиеті білім беру бағдарламасының магистранты Қасымбекова Аяулым бас жүлдеге ие болды. ШҚУ-дың үздік зияткер магистрантымен қатар топ құрамындағы Халелова Алтынай мен Байсолтан Әлібек сынға түсті.

Биыл екінші рет ұйымдастырылып отырған білім сайысына 17 облыстан және Астана, Алматы, Шымкент қалаларынан барлығы 21 команда қатысқан. Тіл мен әдебиет тарихы, елтану, мәдениет пен ғылымға байланысты сұрақтарға жылдам әрі дұрыс жауап беріп, батл форматында сынға түскен жеңімпаздар 1200000 теңгенің сертификатын қанжығаларына байлады.

Республиканың үздік зияткерлерін айтулы жеңісімен құттықтаймыз!