22 октября 2024

ТӘЖІКСТАН УНИВЕРСИТЕТІМЕН СЕРІКТЕСТІК

С.Аманжолов атындағы ШҚУ Орта Азия елдерімен серіктестікті қарқынды дамыту үстінде. ШҚУ Тәжікстанның Халықаралық туризм және кәсіпкерлік университетімен серіктестік жөнінде келісімшартқа қол қойды.

Екі жақты келісім негізінде сегіз бағытта даму қолға алынбақ. Академиялық алмасу бағдарламасы аясында студенттер, магистранттар және оқытушылардың кәсіби құзіреттілігін одан әрі жетілдіру мақсатында оқу, өндірістік және ғылыми тәжірибелер жүргізу, бірлескен білім беру бағдарламаларын әзірлеу, білім алушылар мен профессорлық-оқытушылық құрамның ғылыми еңбектерін жариялау, ғылыми зерттеу орталықтарында зерттеу жүргізу жұмыстарымен айналысу белсенді дамымақ.

Сондай-ақ, тараптар қос дипломдық бағдарламаны іске асыру талаптарын да қарастырып жатыр.