ШҚУ СТУДЕНТТЕРІ «WORLDSKILLS SHYGYS 2024» ЧЕМПИОНАТЫНДА

С.Аманжолов атындағы ШҚУ Жоғары колледжінің студенті Жансерік Салауатұлы 11-18 қараша күндері Астана қаласында өтетін «WorldSkills Kazakhstan 2024» байқауында «Мобильді қосымшаларды әзірлеу» құзіреттілігі бойынша республикалық чемпионатқа қатысады.

Еске салайық, 2024 жылдың маусым айында Өскемен қаласында «WorldSkills Shygys 2024» өңірлік кәсіби шеберлік чемпионаты өткізілген болатын. Жоғары колледж студенттері 5 кұзіреттілік бойынша қатысып, бақ сынаған.

«Бастауыш сыныпта оқыту» және «Мектепке дейінгі тәрбие» құзыреттілігі бойынша Болбадаева Іңкәр және Сабина Рафисова жүлделі 3 орынды қанжығаларына байласа,  «Мобильді қосымшаларды әзірлеу» құзіреттілігі бойынша Салаватұлы  Жансерік 1 орын иегері атанған еді.

140-тан астам студент, сондай-ақ 22 жасқа дейінгі түлектер мен жұмыс істейтін жастар 33 құзыреттілік бойынша өз дағдыларын көрсетті. Үш күнге созылған білім алаңында чемпионат қатысушыларының жұмысын кәсіпорындардың жетекші мамандары мен өндірістік оқыту шеберлері бағалаған.