ЗЕЙНОЛЛА САМАШЕВ ШҚУ МУЗЕЙІНЕ ҚҰНДЫ ЖӘДІГЕРЛЕР ТАБЫСТАДЫ

Республика күні қарсаңында С.Аманжолов атындағы ШҚУ-ға археолог, тарих ғылымдарының докторы, профессор Зейнолла Самашев Ақбауыр тарихи-археологиялық кешеніндегі қазба жұмыстары нәтижесінде табылған тарихи-мәдени мұраларды университет мұражайына табыс етті.

С.Аманжолов атындағы ШҚУ археолог Зейнолла Самашевпен және тарихи-өлкетану мұражайымен 2012 жылдан бері әрітестік байланыста.

Зейнолла Самашев өз сөзінде университет болашақ оқытушылар мен мұражай қызметкерлерін дайындауға үлес қосатындықтан Ұлан ауданындағы қола дәуірінің ескерткіші Ақбауыр кешеніндегі қазбалардан алынған бірнеше жәдігерлерді табыстағанын айтты. Сондай-ақ, түпнұсқа тарихи-мәдени мұраларды көрген білім алушылардың тарих, археология салаларына қызығушылықтары арта түсті.

Мұражайға табысталған құнды жәдігерлер топтамасында тас балғалар, кетпендер мен керамикалық дискілер бар.

«Қазақстан тарихы және әлеуметтік-гуманитарлық пәндер» кафедрасының меңгерушісі Ләззат Жаманбаеваның мәліметінше, серіктестік нәтижесінде ЖОО студенттері Шілікті, Берел, Ақбауыр археологиялық кешеніндерінде танымал археологтармен бірге қазба жұмыстарына белсене араласып мол тәжірибе алуда.

Шара барысында Зейнолла Самашұлы «Тарих»  білім беру бағдарламасының студенттеріне «Қазақстанның шығысындағы соңғы археологиялық ашылулар: Тарих және мәдениет мәселелері контекстінде» тақырыбында дәріс оқыды.

Студенттер университет музейіне табысталған түпнұсқа жәдігерлердің әкелгеніне ризашылық білдірді. Болашақ тарихшылар Қазақстанға танымал археолог Зейнолла Самашұлының оқыған дәрісінен Шығыс Қазақстандағы соңғы археологиялық ашылулардан хабардар болды