«WORLDSKILLS KAZAKHSTAN 2024» ЧЕМПИОНАТЫ БАСТАЛДЫ

Астана қаласындағы «ЭКСПО» Халықаралық Көрме Орталығының базасында WorldSkills Kazakhstan 2024 IX Республикалық чемпионатының алғашқы жарыс күндері басталды.

Ауқымды шараға Қазақстанның 20 өңірінен және шетелдерден үздік студенттер жиналған. Чемпионат елдегі маңызды іс-шараға айналып, кадрларды даярлау мәселелері мен серіктестік байланыстарды орнату жөнінде білім беру жүйесінің және бизнес өкілдерінің пікір алмасу алаңы болып отыр. Чемпионаттың «Мобильді қосымшаларды әзірлеу» құзреттілігі бойынша С.Аманжолов атындағы ШҚУ Жоғары колледжінің студенті қатысуда.

Еске салайық, 2024 жылдың маусым айында Өскемен қаласында «WorldSkills Shygys 2024» байқауында  «Мобильді қосымшаларды әзірлеу» құзреттілігі бойынша С.Аманжолов атындағы ШҚУ Жоғары колледжінің «Ақпараттық жүйелер» мамандығының 2 курс студентті Жансерік Салаватұлы жүлдегер атанған еді. С.Аманжолов атындағы ШҚУ Жоғары колледжінің студентіне сәттілік тілейміз.