ЖИ-ТІҢ МЕДИА КЕҢІСТІККЕ ӘСЕРІ ТУРАЛЫ ЖОО-ДА ТАЛҚЫЛАНДЫ

Кезекті шеберлік сабағын танымал журналист, продюсер, «Алтын Жұлдыз» қазақстандық тәуелсіз БАҚ сыйлығының негізін қалаушы Әлішер Сүлейменов «Журналистика» және «Қазақ тілі мен әдебиеті» білім беру бағдарламасының студенттеріне арнап өткізді. Спикер жасанды интеллект тақырыбын және оның медиа кеңістікке әсерін көтерді. Әлішер Сүлейменовтің пікірінше, жасанды интеллект тек жұмыс үдерісін жеңілдетуге қабілетті, бірақ толық автоматтандыру қол жетімді емес. Себебі, нейрожелі адамның шығармашылық әлеуетін алмастыра алмайды. Шеберлік сабақта ондаған тыңдаушылары пікір алмасып, қызығушылық танытты.