ШҚУ ДЕЛЕГАЦИЯСЫ ҚЫРҒЫЗСТАНДА

Бүгінгі таңда Amanzholov University өз студенттері мен оқытушыларына оқуда, тәжірибе алмасу мен бірлескен зерттеулер жүргізуде бірегей мүмкіндіктер ұсыну үшін әлемдегі жетекші оқу орындарымен және ғылыми орталықтармен байланысты белсенді түрде нығайтуда.

Осы бастамалардың жалғасы ретінде С. Аманжолов атындағы ШҚУ делегациясы Қырғызстанда өтіп жатқан Орталық Азия жоғары оқу орындары ректорларының халықаралық форумына келді. ШҚУ өкілдері халықаралық жоғары оқу орындары арасындағы ынтымақтастықты дамыту мақсатында бауырлас елдің бірқатар жетекші жоғары оқу орындарына баруды жоспарлап отыр. Атап айтқанда, И.Раззаков атындағы Қырғыз мемлекеттік техникалық университетіне және Ош мемлекеттік университетіне баруды жоспарлап отыр.

Естеріңізге сала кетейік, С.Аманжолов атындағы ШҚУ-да жетекші оқу және ғылыми мекемелермен екіжақты серіктестік туралы  шарттардың көлемді  тізімі бар. Олардың қатарында Фитотехнологиялардың инновациялық орталығы, Ж. Жеенбаев атындағы физика-техникалық проблемалар және материалтану институты бар. Халықаралық бағдарламасы аясында университет «Манас»қырғыз-түрік университетімен белсенді жұмыс істейді. Сондай-ақ, ШҚУ Ж.Баласағұн атындағы Қырғыз ұлттық университетімен, Қасым Тыныстанов атындағы Ыстықкөл мемлекеттік университетімен, Адам университетімен және И. Раззаков атындағы Қырғыз мемлекеттік техникалық университетімен серіктестік туралы келісімдері бар.