ҚЫРҒЫЗСТАНДАҒЫ ОРТАЛЫҚ АЗИЯ РЕКТОРЛАР ФОРУМЫ

Бүгін ШҚУ ректоры Қырғызстанның Бішкек қаласында өтіп жатқан Орталық Азия жоғары оқу орындары ректорларының Форумына қатысты. Іс-шара Қара-Қырғыз автономиялық облысының 100 жылдығына арналған. «Орталық Азия университеттерін жаһандық сын-қатерлер контекстінде трансформациялау» тақырыбын негіз етіп алып отыр.

Аталған форумның мақсаты – Орталық Азия елдерінің жоғары оқу орындарын халықаралық және өңірлік ынтымақтастыққа интеграциялау, білім беру мәселелерін цифрландыру, тұрақты даму.

Панельдік сессиялардың модераторлары ретінде Қырғызстан, Қазақстан, Өзбекстан, Тәжікстан, Түркіменстан ректорлары сөз сөйлегенін айта кеткен жөн.

«Цифрлық білім беру — қазіргі заманғы жоғары білім беруді дамытудың басты бағыты» панельдік сессиясында Мұхтар Төлеген И. Раззаков атындағы ҚМТУ ректоры Чыныбаев Мирлан Қойчубекұлымен бірлесіп модератор болды.

Форумда серіктес ЖОО-дар ынтымақтастық туралы меморандумдар мен келісімдерге қол қоюға мүмкіндік алды. Бұл ШҚУ, Ош мемлекеттік университеті және И. Раззаков атындағы Қырғыз мемлекеттік техникалық университеті арасындағы ұзақмерзімді ынтымақтастықтың жаңа кезеңі басталғанының белгісі.

Шара соңында Орталық Азия жоғары оқу орындары ректорлары форумының қорытынды Декларациясы қабылданды.