ФИЗИКА ЖӘНЕ ТЕХНОЛОГИЯ КАФЕДРАСЫНДА ҚОНАҚТЫҚ ДӘРІСТЕР ӨТТІ

Физика және технология кафедрасының қонақтары бірқатар дәрістер оқыды. Назарбаев Зияткерлік мектебінде физика пәнінің мұғалімі Қамбаров Еділжан Ержанұлы «Физиканы оқытуда жасанды интеллектті пайдалану» тақырыбында тәжірибелік мысалдармен бөлісті. Қатысушылар жасанды интеллект технологияларының оқу үдерісіне қалай енгізіліп жатқанын, оқыту сапасын арттырып, оқушыларға күрделі ұғымдарды жақсы түсінуге көмектесетінін білді.

Сондай-ақ «Өңдеу өнеркәсібінің технологиясы» білім бағдарламасының студенттеріне қонақтық дәріс оқылды. Спикер «Шығыс Қазақстан облыстық аумақтық инспекциясы» мемлекеттік мекемесі басшысының орынбасары Бейбіт Танашұлы Малагждаров болды. Шығыс Қазақстан облысының ауыл шаруашылығын дамыту перспективалары және азық-түлік қауіпсіздігінің негізгі аспектілері туралы өзекті ақпаратпен бөлісті.

Шетелдік ғалым, Сакария университетінің профессоры Али Чорух та «Суперконденсаторлар» тақырыбында ашық дәріс оқыды. «Ядролық физика және ядролық энергия», «Қолданбалы физика, наноматериалдар және инновациялар», «Физика» білім беру бағдарламаларының студенттері құнды ақпараттарды тыңдады.