ДИРЕКТОРЛАР КЕҢЕСІМЕН КЕЗДЕСУ

С.Аманжолов атындағы ШҚУ-да ғалымдар мен профессорлық-оқытушылар құрамының директорлар кеңесімен кездесу өтті.
Кездесу барысында директорлар кеңесінің қызметі және соңғы жылдардағы университеттегі ғылым мен білімнің даму қарқыны баяндалды. Өңірдегі ғылымның дамуына үлес қосып жатқан ҰҚҰҒЗ, Беттік инженерия және трибология ғылыми зерттеу орталығының және химия, биология салаларындағы айтулы жетістіктері назарға ұсынылды.

— Инновациялық технологияларды дамыту зертханасында машинажасау, энергетика, ауылшаруашылық өндірісі, химиялық және қайта өндіру өнеркәсібін дамыту басты мақсат. Зертхана материалтану, физика, химия, экология және биология салаларында іргелі және қолданбалы ғылыми зерттеулерді жүзеге асыруға бағытталғанын, — деді ҰҚҰҒЗ жетекшісі.
«Абайтану» ғылыми-зерттеу орталығының жетекшісі, профессор Айжан Картаева «Абайтану» саласындағы зерттеулер нәтижесінде 5-8 сыныптарға арналған пән енгізген. ЖОО студенттеріне, магистранттарына, доктаранттарына арналған бірнеше әдістемелік-оқу-құралдары жарық көруде. ШҚУ-дың бірінші жетекшісі Мұхтар Төлеген «Абай оқулары» республикалық-шығармашылық байқауының жеңімпазына ректор гранты табысталатынын айтты.

Басқарма төрағасының орынбасары – стратегиялық даму және халықаралық ынтымақтастық жөніндегі проректор Ирина Ровнякова «Дана бала» инклюзивті білім беру орталығының осы салада білім алып жатқан студенттерге беретін мол тәжірибесін атап өтті. Орталықта барлық балаларға білімді қолжетімді ету үшін әдістемелер, жаңа зерттеу жұмыстары жүргізіліп жатқанын мәлімдеді.

— Өкінішке қарай, ерте жастағы балалардың арасында ерекше білім беруді қажет ететін балалар көптеп анықталып жатыр. Аманжолов университеті осы бағытта келелі жұмыстар атқарып, әрбір баланың кедергісіз білім алуына жағдай жасауда. Біз де ЖОО-ның зерттеу жұмыстарына, жаңа бастамаларына үнемі қолдау беруге дайынбыз, — деді Әмірхан Рахымжанов, директорлар кеңесінің төрағасы.

Қоғам қайраткері, тәуелсіз директор Талғатбек Абайдильдин С.Аманжолов атындағы ШҚУ-дың еліміздегі жетекші оқу орындар қатарында болуы, ғылыми жетістіктерінің артуы ректор, профессор Мұхтар Төлегеннің дұрыс стратегиясы мен ұстанған бағытының нәтижесі деп атап өтті.
Кездесу соңында, ШҚУ-дың бірінші жетекшісі Мұхтар Төлеген «университеттің бүгінгі жетістігі кәсіби білімі жоғары ұжымның еңбегі» деп алғысын білдірді.