«БІРІНШІ КУРС ТАЛАНТТАРЫ – 2024»: ЕКІНШІ КЕЗЕҢ

С.Аманжолов атындағы ШҚУ-да «Мықты жастар – сау қоғам» тақырыбындағы «Бірінші курс таланттары – 2024» концертінің екінші күні жалғасты.

Екінші күннің бағдарламасын белсенділігін айқын көрсетіп, креативті көрсетілімдері арқылы  шығармалылықтарын паш ете білген Бизнес және құқық жоғары мектебінің белсенділері ашты. Әсіресе қаламыздың экологиялық ахуалын сипаттайтын мағынасы терең, өзекті мәселені қозғаған билері ерекше назар аудартты. Бишілер респриаторлық маскалар арқылы шоу жасап, Өскемен қаласындағы жиі ауа сапасының нашарлауына бей-жай еместіктерін байқатты.

Сахнаға келесі болып шыққан Жоғары колледждің дарынды жастары есте қаларлық көрсетілімдері арқылы кештің сәнін келтірді. Студенттер киелі домбырада ойнап, эстрада әндерін орындап және патриоттық әндері арқылы көрермендердің көңілін толғантты. Моңғол мәдениетін көрсететін ұлттық би ерекше көзге түсті.

Белсенді жастардың сөзінше, ауқымды шараға қатысу өздерін дамытудың бір сатысы. Шығармашылық арқылы олар үлкен әрі ұйымшыл қоғамның мүшесіне айналды.