«БІРІНШІ КУРС ТАЛАНТТАРЫ-2024» ГАЛА-КОНЦЕРТІНІҢ ЖЕҢІМПАЗДАРЫ АНЫҚТАЛДЫ

Барлық Жоғары мектеп студенттері араснына ең үздік билер мен әндерді сұрыптаған «Бірінші курс таланттарының» гала—концерті өтті. Көптеген бірінші курс таланттары көрермендердің көзайымына айналды. Домбырада ойналған күй, ырғақты замануи би және жастардың әуезді әні көптің назарына аударды.

Жыл сайын өтетін байқау биыл «Қуатты жастар – сау қоғам» деген ұранмен өтті. Осы арқылы студенттер салауатты өмір салты мен белсенді азаматтық ұстанымдарына берік екендіктерін көрсете білді.

— Сіздер энергия, жаңа күш—қуат, шабыт, идея арқылы залды нағыз өнермен толтырдыңыздар. Біздің университетте осындай дарынды балалардың оқып жатқанын мақтан тұтамын. Біз жастардың шығармашылық дағдысын әрқашан қолдаймыз және қабілеттерін ашуға мүмкіндік береміз, — деді ШҚУ ректоры Мұхтар Төлеген.

Дәстүр бойынша гала-концерт көптен күткен сыйлықтарды табыстаумен және жеңімпаздарды марапаттаумен аяқталды. Биылғы жылы қазылар алқасының мүшелері Бизнес және құқық жоғары мектебінің студенттерін «үздіктердің үздігі» деп атады. Олар алтын кубок пен 300 000 теңге ақшалай сыйлыққа ие болды.

— Эмоциямызды сөзбен айтып жеткізу мүмкін емес! Ол үшін бұл сезімді бБастан кешіріп көру керек. Біз байқаудың тақырыбын барынша ашып қана қоймай, университетіміз барлық студенттердің шығармашылық дамуы үшін ыңғайлы алаң екенін көрсетуге тырыстық», — деді Бизнес және құқық жоғары мектебінің студенті Едіге Слямғалиев.

Екінші орын Гуманитарлық ғылымдар жоғары мектебінің студенттеріне бұйырды, олар 200 000 теңге көлемінде ақшалай сертификатпен марапатталды. Құрметті үшінші орын мен 100 000 теңгені Педагогика жоғары мектебінің бишілері жеңіп алды.

Атап өтейік, номинациялардың басым бөлігін Педагогика жоғары мектебінің студенттері иеленді. Осылайша, Мансур Қайрат танымал «Мүмкін емес» әнін орындап, «Алтын дауыс» номинациясын жеңіп алды. Камила Оразғалиева «Үздік жүргізуші 2024» атанды.