ҚАРЖЫ ЖӘНЕ ЕСЕП БОЙЫНША ОБЛЫСТЫҚ ОЛИМПИАДА ӨТТІ

С.Аманжолов атындағы ШҚУ-дың экономика, менеджмент және қаржы кафедрасының ұйымдастыруымен бітіруші сынып оқушылары арасында қаржы және есеп бойынша облыстық олимпиада өтті. Олимпиада қатысушылары өздерінің теориялық және практикалық білімдерін, тапқырлықтарын, сондай-ақ сыни ойлау қабілеттерін көрсетті.

Әділқазы алқаларының шешімі бойынша командалық есепте Қ.Нұрғалиев атындағы №43 орта мектебінің оқушылары бірінші орын иеленді. Шәкәрім атындағы  №1 орта мектеп пен №25 орта мектеп-лицейі екінші орын алса, үшінші орынды №11 орта мектеп-лицейі мен Ы.Алтынсарин атындағы Глубокое орта мектептері өзара бөлісті.

Олимпиада соңында жеңімпаздар мен қатысушыларға сертификаттар мен бағалы сыйлықтар табыс етілді. Ұйымдастырушылар оқушылардың дайындығын жоғары бағалап, осындай іс-шаралардың жасөспірімдер арасында қаржылық сауаттылықты дамытуда ерекше маңызға ие деп атап өтті.

Жекелей есепте орта мектеп-лицейінің 11 сынып оқушысы Назар Дугали Гран-при иеленді. Шәкәрім атындағы орта мектептің оқушысы Айдана Баянғазы бірінші орынға жайғасты. Қ.Нұрғалиев атындағы №43 орта мектебінің оқушысы Еламан Елалысов күміс жүлде ұтып алса, үшінші орынды №25 орта мектеп-лицейінің оқушысы София Липунова иеленді.

Олимпиада соңында жеңімпаздар мен қатысушыларға сертификаттар табыс етіліп, бағалы сыйлықтар табыс етілді.