БИОЛОГИЯ КАФЕДРАСЫНЫҢ  ИГІ ІСІ

С. Аманжолов атындағы Шығыс Қазақстан университетінің IT және Жаратылыстану ғылымдары жоғары мектебі биология кафедрасының оқытушылары мен білім алушылары Өскемен қаласының мамандандырылған балалар үйіне барды. Іс-шара барысында қатысушылар балалармен бірге ән айтып, билеп, жылы қарым-қатынас орнатты. Сонымен қатар, кішкентай балаларға сыйлықтар тарту етілді.

Іс-шараның басты мақсаты – қамқорлыққа зәру балаларға мейірім мен қуаныш сыйлау. Игі іс-шара балаларға қуаныш сыйлап, студенттер мен оқытушылар үшін әлеуметтік жауапкершілікті арттыратын маңызды қадам болды.