ЖОҒАРЫ КОЛЛЕДЖ СТУДЕНТТЕРІНЕ «ТАЗА СЕССИЯ» СЕМИНАРЫ ӨТТІ

«С.Аманжолов атындағы ШҚУ» Жоғары колледж студенттеріне «Таза сессия» семинары өтті. Сыбайлас жемқорлыққа қарсы өткен семинардың мақсаты: білім беру жүйесіндегі сыбайлас жемқорлықты болдырмау және пәрменді алдын алуға бағытталған шаралардың айқындылығын қамтамасыз ету және нығайту, сондай-ақ оқу орнының  беделіне нұқсан келтіретін кез келген сыбайлас жемқорлық көріністерін жою,  білім алушылар арасында сыбайлас жемқорлыққа қарсы мәдениетті қалыптастыру, студенттің этикалық құндылықтарын сақтау.

-«Студенттерге арналған семинар «Таза сессия» акциясы арқылы жүзеге асырылады, ол студенттердің құқықтық санасын және белсенді азаматтық ұстанымын қалыптастыру, Қазақстан Республикасының Сыбайлас жемқорлыққа қарсы заңнамасын бұзу көріністеріне төзбеушілік мақсатында сессияаралық кезеңде өткізіледі»,- дейді сыбайлас жемқорлыққа қарсы комплаенс қызметінің жетекшісі Жексембаев Қайнар.

Кездесу барысында білім алушыларды  Жоғары колледж директоры оқу-ісі жөніндегі орынбасары Исабаева Н.Е. аралық аттестаттаудың ережесімен таныстырып өтті.