Жоғары колледж студенттері «Колледж барысы – 2024» облыстық турнирдің жеңімпаздары

Риддер қаласында ШҚО білім басқармасы мен «Риддер колледжі» КМҚК ұйымдастыруымен «Біртұтас тәрбие» бағдарламасы аясында Қазақстан Республикасының Тәуелсіздік күніне арналған ШҚО техникалық және кәсіптік білім беру оқу орындары студенттері арасында қазақ күресінен «Колледж барысы – 2024» облыстық турнирі өткізілді. Жарыс Риддер қаласының спорт модулі базасында өтті.

Жарыстың мақсаты мен міндеттері: жастар мен жасөспірімдердің денсаулығын нығайтуға, салауатты өмір салтын қалыптастыруға және дене тәрбиесі мен бұқаралық спортты дамытуға ықпал ету, осы спорт түрін дәріптеу, ТжКББ оқу орындары арасында достық байланыстарды нығайту.

Жарысқа облыстың 9 колледжінен 20 студент қатысты. Палуандар 70 келіден төмен және 70 келіден жоғары салмақта күш сынасты.

Жарыстың қорытындысы бойынша

70 келіден төмен салмақта:

1 орынды – Абай атындағы Шығыс Қазақстан гуманитарлық колледжінің студенті Калибеков Мади алды;

2 орынды – Риддер колледжінің студенті Блинов Константин алды;

3 орынды – Сәрсен Аманжолов атындағы Шығыс Қазақстан Университеті Жоғарғы колледжінің студенті Әнуарбек Дамир алды;

3 орынды – Қазақстан – Американдық Еркін университеті Жоғарғы колледжінің студенті Касенов Қасым алды.

70 келіден жоғары салмақта:

1 орынды – Сәрсен Аманжолов атындағы Шығыс Қазақстан Университеті Жоғарғы колледжінің студенті Черияздан Ерасыл алды;

2 орынды – Абай атындағы Шығыс Қазақстан гуманитарлық колледжінің студенті Аралбек Нұрали алды;

3 орынды – Өскемен экономика-қаржы колледжінің студенті Қазез Аян алды;

3 орынды – Қазақстан – Американдық Еркін университеті Жоғарғы колледжінің студенті Бердалин Ұлан алды.

Байқауға қатысушылар мен жеңімпаздарды құттықтаймыз!