ШҚУ-ДАҒЫ СТУДЕНТТЕР ҮЙЛЕРІНДЕ ТӘУЕЛСІЗДІК КҮНІНЕ ОРАЙ АУҚЫМДЫ ІС-ШАРАЛАР ӨТТІ

С.Аманжолов атындағы Шығыс Қазақстан университетінің студенттер үйлерінде 14-16 желтоқсан күндері білім алушыларға Тәуелсіздік күніне орай бірқатар іс-шаралар ұйымдастырылды.
С.Аманжолов атындағы ШҚУ «Jastar ruhy» ЖҚ ұйымы «Егемендік елдігім-Тәуелсіздік теңдігім!» — үстел теннисі спорттық сайысын, «Жастар ісі жөніндегі комитетінің» ұйымдастыруымен «Тәуелсіз елім – бақытым менің!» — білімділер байқауы және «Бабаларым аңсаған Тәуелсіздік» — викториналық сайысы, «Көркем» қыздар ұйымы «Санаға сәуле түсірген» желтоқсан»- әдеби-музыкалық кешін өтті. Психолог Айым Кенжебаева барлық студенттер үйлерінде «Жақсы көңіл-күй формуласы» атты тренингін өткізді.
Студенттер осы ұйымдастырылған шаралар арқылы Қазақстан тарихынан білімдерін тереңдетіп, өз елін мақтан тұтып, тәуелсіздіктің қадірін сезіне түсті.