AMANZHOLOV UNIVERSITY: ТӘРБИЕ ҮДЕРІСІНДЕГІ 10-ТОП ІС-ШАРА

С.Аманжолов атындағы Шығыс Қазақстан университетінде студенттерді қоғамдағы өзекті оқиғаларға, тәрбие ісіне қатысты іс-шараларға қатыстыру басым бағыттардың бірі. Білім алушылардың бойына тәрбиені, ізгі қасиеттерді сіңіру мақсатында ұйымдастырылған 2024 жылы атқарылған іс-шаралар легін ұсынамыз.

1. ҚАЗАҚСТАННЫҢ ТҮКПІР-ТҮКПІРІНЕН КЕЛГЕН СТУДЕНТТЕР «ANTIKOR QUIZ-2024» ОЙЫНЫН ОЙНАДЫ

С.Аманжолов атындағы ШҚУ ҚР сыбайлас жемқорлыққа қарсы іс-қимыл Агенттігінің ШҚО бойынша Департаментімен бірлесіп студент жастар арасында жемқорлыққа қарсы мәдениетті қалыптастыру мақсатында республикалық  «ANTIKOR QUIZ-2024» зияткерлік ойынын өткізді.

2. 100 СТУДЕНТ – ПАНКРАТЬЕВ БАҒЫНА 250 КӨШЕТ

100-ден астам студент пен оқытушысы 100 түп таңқурай мен қаражидек, «Шукшин естелігі» қарақатының 100 түбін және 60 шырша ағашын отырғызды.

3. ҚАЗАҚСТАНДАҒЫ СУ ТАСҚЫНЫ: ШҚУ ЗАРДАП ШЕККЕНДЕРГЕ ГУМАНИТАРЛЫҚ КӨМЕК ЖІБЕРДІ

Университет ұжымы су тасқынынан зардап шеккендерге қажетті гуманитарлық көмек жинап, Ақтөбе облысына жөнелтті. Сондай-ақ, ЖОО қызметкерлері су басқан аудандардың тұрғындарына бір күндік жалақыларын аударды. Айта кетейік, ШҚУ-да 1000-ға жуық адам еңбек етеді.

4.AMANZHOLOV UNIVERSITY БАЛАЛАР АУЫЛЫНДА

Қайырымдылық күнінің аясында Қазақстан тарихы және әлеуметтік пәндер кафедрасының ұйымдастыруымен университет ұжымы мен белсенді студенттер балалар ауылында мерекелік шара өткізді

5. ШҚУ-ДА СТУДЕНТТЕРГЕ АРНАЛҒАН АУЫЗАШАР БЕРІЛДІ

Amanzholov University-де облыстық Халифа Алтай мешітімен бірлесе ұйымдастырылған мың жарым адамға арналған ауызашар өтті. Ауызашарға қасиетті Рамазан айында ораза ұстаған барша жан жиналды.

6. AMANZHOLOV UNIVERSITY-ДЕ ҰЛТТЫҚ КИІМ КҮНІ АТАЛЫП ӨТТІ

Ұлттық киім күнін тойлау кезінде университет қабырғасы ән мен жырға толды. Студент жастар домбырада ойнап, әйгілі «Қара жорға» биін биледі. Одан бөлек, қонақтарға ыстық, дәмді бауырсақ пен құрт беріліп, сүт қатқан шай ұсынылды. Ал, магистрант Айжан Үмбетова эко-ұлттық бұйымдар авторлық стартап жобасын көрермен назарына қойды.

7. ШҚУ ЗИЯТКЕРІ — AQYL BATTLE ҮЗДІГІ

Астана қаласында өткен жастарға арналған республикалық Aqyl battle интеллектуалдық ойынының гранд финалында Amanzholov University-дің магистранты Қасымбекова Аяулым бас жүлдеге ие болды.

8. ШҚУ СТУДЕНТІ ««ҚАЗАҚСТАН АРУЫ-2024» МӘРТЕБЕСНЕ ИЕ БОЛДЫ

Бағым Балтабаева жыл сайын өтетін «Мисс Қазақстан-2024» байқауында қаламыздың абыройын қорғап, лайықты жоғары мәртебені жеңіп алды

9.«БІРІНШІ КУРС ТАЛАНТТАРЫ-2024» ГАЛА-КОНЦЕРТІНІҢ ЖЕҢІМПАЗДАРЫ АНЫҚТАЛДЫ

Жыл сайын өтетін байқау биыл «Қуатты жастар – сау қоғам» деген ұранмен өтті. Осы арқылы студенттер салауатты өмір салты мен белсенді азаматтық ұстанымдарына берік екендіктерін көрсете білді.

10. ШҚУ ТҮЛЕГІ ПИАНИСТ ОЛЖАН ҚОСТУБАЕВ ХАЛЫҚАРАЛЫҚ ДЕҢГЕЙДЕГІ КОНЦЕРТ ҰСЫНДЫ

Олжан Қостубаев өзі оқыған ЖОО-ға құрметі ретінде Халықаралық байқаулардың лауреаты германиялық скрипкашы Хенрике Бликслагер және виолончельші Леонард Кюлие есімді достарымен келіп әлемдік деңгейді шығармаларды тарту етті.