БАРШАҒА ҚОЛЖЕТІМДІ БІЛІМ САПАСЫ

БҰҰ-ның 17 тұрақты даму мақсатының аясында білім берудегі теңдік пен қолжетімділікті қамтамасыз ету маңызды орын алады. Осы бағытта С. Аманжолов атындағы ШҚУ Қазақстан бойынша инклюзивті ортаны дамытуға негіз болатын ауқымды база.

Университетте ерекше білім беру қажеттіліктері бар балалармен жұмыс істеу үшін «Dana Bala» үздіксіз және инклюзивті білім беру орталығы қызмет атқарады. Бұл орталықта ғалымдар инновациялық инклюзивті жобаларды әзірлейді, студенттер ерекше қажеттіліктері бар балалармен жұмысқа бейімделеді, ал ерекше балалар денсаулығын жақсартуға арналған қызметтерді пайдалану мүмкіндігіне ие.

Сонымен қатар, мұнда инклюзивті бастауыш мектеп құрылған. Бұл мектептің ашылуы ерекше білім беру қажеттіліктері бар балаларға сапалы білім алуға мүмкіндік беріп қана қоймай, сонымен бірге толеранттылық пен құрметке негізделген қоғамдық құндылықтарды қалыптастыруға ықпал етеді.

– Бірнеше жыл бойы университетіміздің мамандары жан-жақты дайындық жұмыстарын жүргізді. Қазіргі таңда біз бастауыш білім беру саласында заңды қызметті жүзеге асыруға арналған лицензия алдық, – деп атап өтті С. Аманжолов атындағы ШҚУ ректоры Мұхтар Төлеген.

Бұдан бөлек, университет білім беру жүйесінің барлық деңгейінде педагог кадрларды даярлау бағытында белсенді жұмыс істеуде. Үздіксіз білім беру циклі жүзеге асырылып, оқу үдерісінің әр кезеңі келесі сатысымен логикалық түрде байланысып отырады. Бұл түлектердің кәсіби қызметте табысты болуына қажетті білім мен дағдыларды қалыптастырады.

Сапалы білімді арттырудың маңызды аспектісі – жастардың болашақ мансабына кәсіби бағыт беру. Осы жылдың наурыз айында ШҚО Білім басқармасының ұйымдастыруымен «Баршаға қолжетімді білім сапасы» ұлттық баяндамасы аясында кәсіптік бағдар беру алаңы өтті. Іс-шара барысында аймақтағы мектептер мен колледждердің директорлары, сондай-ақ ШҚУ жоғары колледжінің оқытушылары талапкерлер үшін қолжетімді білім беру бағдарламалары мен мүмкіндіктерін ұсынды.

ШҚО мектептері мен колледждері директорларының айтуынша, Amanzholov University мектеп түлектері арасында ең танымал университеттердің бірі ретінде танылған. Университет еңбек нарығының нақты қажеттіліктеріне бейімделген сапалы білім беріп, инклюзивті білім беруді қоса алғанда, инновациялық тәсілдерді белсенді түрде енгізуде. Бұл оны болашақ студенттер үшін тартымды таңдау етеді.