«АКАДЕМИЯЛЫҚ ИННОВАЦИЯЛАР» ҚЫСҚЫ МЕКТЕБІНІҢ АШЫЛУЫ ӨТТІ

С. Аманжолов атындағы ШҚУ-да оқытушылардың білім беру бағдарламаларын әзірлеу және іске асыру саласындағы кәсіби құзыреттілігін арттыруға, сондай-ақ заманауи әдістемелік тәсілдер мен инновациялық технологияларды енгізуге бағытталған «Академиялық инновациялар» қысқы мектебінің ашылуы өтті.

Алғашқы семинар CLIL және STEM технологияларының оқу пәндерін жобалаудағы элементтеріне арналды. Семинар спикерлері ретінде т.ғ.к. Жеңісгүл Жантасова, PhD докторы Мархаба Карменова және компьютерлік модельдеу және ақпараттық технологиялар кафедрасының сениор-лекторы Ақмарал Жақсылықова сөз сөйледі. Іс-шара барысында олар осы технологияларды тиімді білім беру бағдарламаларын әзірлеу үшін пайдаланудың негізгі аспектілері туралы кеңінен айтып берді.

– Қысқы мектеп инновацияларды енгізуге және білім беру үдерістерін заманауи әлемдік стандарттарға сәйкес бейімдеуге дайын оқытушыларды даярлауда маңызды қадам болмақ, – деді компьютерлік модельдеу және ақпараттық технологиялар кафедрасының сениор-лекторы Ақмарал Жақсылықова.

Айта кетейік, қысқы мектеп аясында өзекті сегіз тақырып қамтылатын бірқатар семинарлар өткізу жоспарланған.