9 февраля 2024
AMANZHOLOV UNIVERSITY СТУДЕНТТЕРІ МЕДИАЦИЯДА
Жеке және заңды тұлғалар үшін жанжалдарды сотсыз шешудің балама әдісін қалай табуға және ұсынуға болады? Әрине, медиация арқылы. Бүгінде С Аманжолов атындағы ШҚУ студенттері теорияда ғана емес, іс жүзінде тараптарға қақтығыстарын талқылау барысында шешім табуға көмектесіп, медиация процедурасын заң талаптарына сәйкес кәсіби негізде жүзеге асырады. Жыл сайын “ШҚО Ұлттық медиаторлар палатасы» студенттерге өз есігін айқара ашады. Жастар келіссөздер процесін дербес ұйымдастырып, әр тараппен кеңесіп, салмақты сұрақтар арқылы мәселемен танысады.
Сондай-ақ студенттер медиация процесін бақылап, тараптарға жанжалды шешудің балама нұсқасын табуға көмектеседі. «ШҚО Ұлттық медиаторлар палатасының» төрағасы Марианна Дячук студенттерге практикада медиатор мамандығын игеруге көмектеседі. Ол тәжірибе аясында студенттерге медиатордың құқықтары мен міндеттерін түсіндіреді.
Бүгін студенттер біздің базамызда бірегей мүмкіндікке ие болды. Азаматтық құқық материалдарын зерттеді. Сондай-ақ, шарттар мен келісімдер жасау мүмкін болды. Медиация процедурасы құпия екенін ескере отырып, біздің студенттер іс жүзінде ант береді. Шешімнің өзі де мәміленің құпиясы, — дейді медиатор Марианна Дячук.
«Құқықтану» Білім беру бағдарламасының төртінші курс студенті Әлішер Жапсарбаевтың айтуынша, олар сот практикасынан істерді қарайды, шарттардың жобаларын жасайды және сот ісін жүргізу тараптарымен кездеседі.
– іс-тәжірибенің қорытындысы бойынша теориялық білімді бекітіп білікті қызметкер бола аламын деген сенімдемін, — дейді студент.
Айта кетейік, азаматтар да, заңды тұлғалар да медиацияға жүгінген кезде сот жүйесіне жүктеме айтарлықтай төмендейді. Осылайша, күрделі істерді шешу сапасы артады. Халықаралық статистикаға сәйкес барлық даулардың 30-40%-ы медиация рәсімінен өтеді. Олардың 85%-ы оң нәтижеге қол жеткізді.