ШҚУ СТУДЕНТІ ДОХАДА ӨТКЕН ЧЕМПИОНАТТА ЖЕҢІМПАЗ АТАНДЫ

«Дене шынықтыру және спорт» білім беру бағдарламасының үшінші курс студенті Бекарыс Бекенов Катар астанасында өткен таэквондодан Халықаралық ашық чемпионатта бірінші орынды  жеңіп алды . Аталған чемпионатқа 40 елден 1440 спортшы қатысты. 

Бекарыс он жылдан астам  корей жекпе-жегімен айналысады. Сондай-ақ, Азия чемпионаты секілді ірі жарыстарда тәжірибе жинақтаған.

-Мен бір жыл бойы дайындалдым. Бұл маңызды жұмыс болды және мен үздік нәтиже көрсете алғаныма қуаныштымын. Бапкеріме және жақындарыма  қолдау көрсеткендері үшін алғысымды білдіремін, — деп бөлісті Бекарыс.

Айта кетейік, жас жігіттің халықаралық аренадағы жетістіктері жеке табысын ғана емес, С.Аманжолов атындағы ШҚУ-дағы спортшылардың жоғары деңгейдегі даярлығын көрсетеді.