ШҚУ-ДА НЕМІС РОЖДЕСТВО МЕРЕКЕСІНІҢ ДӘСТҮРЛЕРІ ҚАРАСТЫРЫЛДЫ

С.Аманжолов атындағы ШҚУ Видергебурт неміс мәдени орталығымен бірлесіп «Шет тілі: екі шет тілі» білім беру бағдарламасының студенттеріне шеберлік сабағын өткізді.

Шеберлік сабағы  «Своя игра» шығармашылық ойынынан басталды. Студенттер неміс Рождество мерекесінің дәстүрлеріне қатысты сұрақтарға жауап берді.

Ойынға қатысушылар өздері үйреніп жатқан елдің мәдениеті туралы білімдерін тексерді.

Келесі кезең дәстүрлі гүл шоқтарын жасау болды. Бұл әл-ауқаттың мәңгілігін бейнелейтін маңызды элемент.

-Бұл шеберлік сабақ пайдалы ғана емес, сонымен қатар өте шабыттандырды. Біз Рождество мерекесін  толықтай сезініп, Германияның мәдени мұрасы туралы тереңірек біле алдық, — деп бөлісті студент.

Естеріңізге сала кетейік, осы жылдың қыркүйек айында алма-матер Гете Институтынан мәдени іс-шараларды өткізуге грантын жеңіп алды. ШҚУ халықаралық, мәдени байланыстарды дамытуға бағытталған жобалық бастамаларды белсенді түрде іске асыруда.