85 КУРСАНТ ДАЛАЛЫҚ ОҚУ ЖАТТЫҒУЛАРЫНАН ӨТУДЕ

Кабанбай батыр атындағы әскери кафедрада офицерлерді даярлау бойынша 85 студент 27943 әскери бөлімінің полигонында оқу-жаттығу өткізуде. Оқу шаралары аяқталғаннан кейін студенттер БМП-1 жаяу әскерінің жауынгерлік машинасын жүргізу, атыс қаруын қолдануды үйренеді.

— Мұндай іс-шаралар барысында студенттер тек жауынгерлік дағдыларын жетілдіріп қана қоймай, сонымен қатар мықты командалық рухты қалыптастырады. Біз барлық қажетті жағдайды ұйымдастырдық. Атап айтқанда, шатырлар, жуыну бөлмелері, далалық асхана, — деп атап өтті әскери кафедра бастығы Александр Керенцев.

Оның айтуынша, жазғы жиындар тек қарқынды физикалық жүктеме үшін ғана емес, сонымен қатар болашақ офицерлердің кәсіби және моральдық қасиеттерін қалыптастыру үшін қажет.

Әскери кафедраның басқа да курсанттары өздерінің практикалық дағдыларын жетілдіреді. Олардың ішінде 55 сержант пен 15 студент офицер бар. Алайда олардың тактикалық және жауынгерлік дағдыларды дамытуға бағытталған жаттығулары әскери кафедрада өтеді.

Айта кетейік, 21 шілдеде өтетін Әскери ант қабылдаудың салтанатты рәсіміне дайындыққа ерекше назар аударылады. Бұл күн студенттердің Қазақстан Республикасының Қарулы Күштерінде қызмет етуге дайындығының белгісі болмақ.