ШҚУ СТУДЕНТІ РЕСПУБЛИКАЛЫҚ ПІКІРСАЙЫС ТУРНИРІНІҢ ЖЕҢІМПАЗЫ АТАНДЫ

С.Аманжолов атындағы Шығыс Қазақстан университетінің «Мемлекеттік және жергілікті басқару» білім беру бағдарламасының үшінші курс студенті Жігер Сәрсенбаев Kongress Cup-X республикалық пікірсайыс турнирінің жеңімпазы атанды.

Шара Шәкәрім университетінің 90 жылдығына орай ұйымдастрылып, оған Павлодар, Алматы, Шығыс Қазақстан, Абай және Ақмола облыстарынан 28 команда қатысты.

Жігер пікірсайыстарға  үш жылдан астам уақытын арнап, өзін тәжірибелі қатысушы ретінде көрсетіп, бірнеше мәрте республикалық деңгейдегі пікірсайыстарының жеңімпазы атанды.  

— Мен үшін пікірталас-бұл жай ғана хобби емес, сыни тұрғыдан ойлау мен көпшілік алдында сөйлеу дағдыларын дамыту мүмкіндігі. Бұл турнир ерекше болды, себебі ол елдің түкпір-түкпірінен келген дарынды жастарды біріктірді. Мен өз университетімді осындай деңгейдегі шарада танытқаныма өте қуаныштымын, — деп бөлісті ШҚУ студенті.

Пікірсайыс — көшбасшылық қасиеттерді, шешендік шеберлікті, өз ойын ашық жеткізу дағдыларын дамытуға үлкен мүмкіндік береді, ал Жігер Сәрсенбаев-ынта мен еңбекқорлықтың елеулі жетістіктерге жетуінің жарқын мысалы.